2017, année de la croissance retrouvée pour les entreprises corses selon la Banque de France
(A redazzioni d'Alta Frequenza) - "2017, annata di a crescita ritrova. Puru ch'ella duri" ! Hè cù ssi parolli assai uttimisti chì a Banca di Francia hà prisintatu ssu marcuri i risultati di l'inchiesta di cunghjuntura annuali di a BDF "l'intrapresi in Corsica : bilanciu 2017 è perspettivi 2018". Sicondu st'inchiesta, cù parechji intrapresi isulani intarrugati, u sciffru d'affari di l'industria inde l'isula arrighjistreghja una crescita forti, di più cà i previsioni di principiu 2017. Previsioni chì sò stati trapassati dinò inde u settori di i sirvizi marcanti, chì hà apprufittatu soprattuttu di i prugressioni di l'alloghju è di a risturazioni è à un nivellu menu impurtanti di i trasporti. Listessu affari pà a custruzzioni, dopu à parechji anni di calati impurtanti, un settori chì hà vistu una cunfirmazioni annu di a rialzata di l'investimentu di u 2016. Infini, i sciffri d'affari di u cummerciu di grossu sò crisciuti d'una manera sinsibuli in u 2017. S'è tutti ssi dati sò pusitivi, ferma un paradossu chì annigrisci appena a dimustrazioni : u disimpiegu ferma assai altu in Corsica.
Steti à senta à Jean Charles Sananès, u direttori regiunali di a Banca di Francia.
Sur le même sujet
