50 ans de nationalisme corse décryptés dans un numéro spécial d'Arritti
(A redazzioni d'Alta Frequenza) - Mentri ch’ellu si cilibrava ssi pochi ghjorni i 40 anni di l’affari d’Aleria, hè isciutu un numaru spiciali di u ghjurnali Arritti. Un numaru d’istati cunsacratu à 50 anni di naziunalisimu corsu, mentri chì u misincu fistighjarà u so mezu seculu d’esistenza un antru annu. Propiu puliticu, com’è tutti i so edizioni scorsi, quissa quì pruponi par asempiu un’analisi di i sfarenti lotti di u populu corsu dipoi a mità di l’annati 1960, da l’ARC à u FLNC, passendu pà a criazioni di l’Assemblea di Corsica è di l’evuluzioni di i raporti trà l’isula è u Statu fin’è oghji. Ramenti è una crunulugia chì facini dì à i membri di a redazzioni d’Arritti chì a storia cuntinueghja di scrivasi pà u naziunalisimu corsu, hè vera di un’antra manera, ma sempri ind’a perspettiva di a vittoria à tutti i nivelli.
Steti à senta à François Alfonsi, u direttori di a publicazioni d’Arritti.
Sur le même sujet
