50 ans du Lycée Laetitia Bonaparte d'Ajaccio : témoignage du proviseur Casanova
(A redazzioni d'Alta Frequenza) - Un anniversariu d'eccezzioni pà un stabilimentu d'eccezzioni ! U Liceu Letizia Bonaparte d'Aiacciu fistighjeghja oghji (ghjovi) è dumani i so cinquanta anni. L'animazioni sarani numarosi duranti ssi dui ghjorni : pezza di teatru, ballu, ghjostra di ballò, cuncertu... Tuttu hè fattu parch'ellu sighi riisciutu ss'evenimentu induv'elli sarani prisenti par asempiu anziani pruvisori, prufissori o elevi. Criatu in u 1964, ssu liceu à l'architettura muderna pà l'epica s'hè mischjatu à pocu à pocu à u paisaghju aiaccinu, mentri ch'ella si sviluppava a cità impiriali. Cunsidaratu com'è u liceu generali è tennulogicu u più impurtanti di l'accademia di Corsica, conta guasgi 1 500 elevi ghjunti da l'isula sana è più di 200 parsunali. U pruvisori, Jean Pierre Casanova, hè assai fieru di cumandà ssu bellu battellu dipoi ottu anni chì cuntinueghja u so viaghju principiatu cinqui dicennii fà è chì ùn hè ancu à compia, mancu appena.
U stemi à senta.
