5 mai : le Collectif des Victimes de Furiani accepte les propositions mais continue le combat
(A redazzioni d'Alta Frequenza) - Incalcà nant'à u valori di a manu tesa pighjendula, ma ramintendu di manera chjara u scopu finali di a so dimarchja, eccu ciò ch'ellu hà fattu u Cullittivu di i Vittimi di a catastrofa di Furiani. Adunitu in assemblea generali in fin di sittimana scorsa, hà vutatu cù una maghjurità putenti u fattu d'accittà i pruposti di u secretariu di Statu à i Sports, Thierry Braillard, cuntinuendu à tempu a lotta par chì a data di u 5 di maghju sighi sacralizata in u ballò francesi, pocu impremi u ghjornu. In fatti, accittendu ssi pruposti, c'hè dighjà un'avanzata postu chì Thierry Braillard hà prupostu calchì sittimana fà di sacralizà u 5 di maghju quand'ellu cascaria un sabbatu è di ricunnoscia u drama à u nivellu naziunali, par asempiu cù a stallazioni di una placca cumemurativa in u ministeru in carica di i sports. Mentri chì i parti cuncirnati sarani torna aduniti u 22 di lugliu in Parighji, Josepha Guidicelli, a presidenti di ssu cullittivu, ci spiega a purtata di ssa scelta.
A stemi à senta.
