A Festa di a Nazioni sera célébrée samedi à Conca
(A redazzioni d'Alta Frequenza) - U luni l'8 di dicembri sarà un ghjornu particulari pà parechji corsi, è què dipoi anni è anni. Ssa data currispondi in fatti à a cilibrazioni rilighjosa di l'Immaculata Cuncizzioni, ma dinò à a tradiziunali Festa di a Nazioni Corsa. Una festa chì hè stata riintrudutta duranti l'annati 1970 è u Riacquistu, chì associ numarosi urganizeghjani grazia à sfarenti manifistazioni culturali o ancu intarvinzioni ind'i scoli di l'isula. In Conca, l'associu A Punta di l'Ortu hà da urganizà pà a quindicesima annata di fila A Festa di a Nazioni dui ghjorni nanzu, u sabbatu u 6, cù un prugramma riccu è variu. Curteghju storicu cù parsoni vistuti com'è i truppi di Pasquale Paoli, quatrigliu, messa, littura di a Custituzioni di a Corsica cù cannunati, veghja cù canti è ripastu, eccu una parti di l'attività privisti sabbatu à partasi di trè ori è mezu. Sabbatu scorsu, una bandera corsa di 300 m2 illuminata hè dighjà stata stesa annant'à a Punta Calcina, com'è tutti l'anni, una maghjina è un simbulu forti. Una festa ch'ellu hè nicissaria di perpetuà in Corsica sana, pà i raghjoni ch'ellu ci spiega Micheli Leccia, pà l'associu A Punta di l'Ortu.
Steti à senta à Micheli Leccia.
Sur le même sujet
