A lingua corsa in festa in Aiacciu fin'è u 6 di ghjunghju !
(A redazzioni d'Alta Frequenza) - A lingua corsa in festa in Aiacciu ! Pà a 4ima annata di fila, a Cità, in u quadru di una chjama à prughjetti di a Cullittività Tarrituriali di Corsica, urganizeghja A Festa di a Lingua Corsa. Principia oghji (marti) pà compiasi u sabbatu u 6 di ghjunghju. Dodeci ghjorni chì vidarani a lingua Corsa à l’unori in a Cità imperiali cù u cantu, u teatru, a puesia, mostri o ancu cù l’amparera pà i chjuchi è i maiò. Una manera di metta in valori l’azzioni purtati tutta l’annata da a municipalità è i so servizii, grazia à appuntamenti struttivi è ludichi. Una manifistazioni chì pighja di più in più impurtanza l’edizioni passendu, à u mumentu chì a quistioni di u bislinguisimu è di a cuufficialità di a lingua Corsa ferma propiu prisenti ind’a sucità isulana.
Steti à senta à Cristofanu Mondoloni, cunsighjeru municipali dilegatu à a lingua Corsa è à i fistività in a Cità d’Aiacciu.
Sur le même sujet
