AC Ajaccio - Derby, finances, formation : le tour d'horizon de Léon Luciani
(A redazzioni d'Alta Frequenza) - Cunfarenza di stampa ssu ghjovi di l'AC Aiacciu, u presidenti Léon Luciani hè vultatu nant'à parechji punti : i finanzi, a furmazioni è infini l'uparazioni di a bigliettaria. In trè mesi, u club hà rializatu guasgi 65% di u scopu vulsutu da a DNCG. Cuncirnendu u sponsoring, cresci assai com'è l'abbunamenti cù 2500 abbunati pà a staghjoni in corsu. À u nivellu di i venditi di ghjucadori, l'ACA hà rializatu 80% di u scopu difinitu da l'istanza parighjina cù i venditi di Maazou è Abergel. In più di què, i rilazioni trà u club è i sirvizi di u Statu sò appaciati oramai cù u pianu COCHEF è u prublema cù l'URSSAF hè in traccia d'essa risulutu sicondu i dirighjenti. Pà ciò chì tocca a furmazioni, u club t'hà 85 ghjucadori in u so centru, cù 11 chì ghjunghjini da u SC Bastiacciu. A Scola Tennica, pà contu soiu, accogli altri spurtivi aldilà di u ballò. Infini, cuncirnendu a bigliettaria, l'AC Aiacciu hà missu in vendita packages pà 2 scontri, u derby contr'à u GFCA è a partita contr'à Châteauroux cù prezzi attrattivi à partasi da 16 auri à prezzu riduttu è 26 auri à prezzu pienu.
Steti à senta à Léon Luciani nant'à a bigliettaria di u derby.
Sur le même sujet
