Accessibilité : l'Association des Paralysés de France tire la sonnette d'alarme
(A redazzioni d'Alta Frequenza) - I dilegazioni dipartimintali di l'Associu di i Paralizati di Francia si sò aduniti stamani (marcuri) davanti i prifitturi d'Aiacciu è di Bastia. U scopu : fà sapè ch'elli sò contr'à l'Agendas d'Accessibilità Prugrammata è l'urdinanza publicata u 27 di sittembri scorsu, micca accittevuli pà l'APF è chì custituscini un rinculu gravi è a distruzzioni di l'ughjettivi primi di a famosa legi di u 2005 annant'à l'accessibilità. Pà l'associu, u guvernu devi cambià di pusizioni cuncirnendu ss'urdinanza chì, s'ella hè ratificata da u Parlamentu, ùn ubligarà più par asempiu i stabilimenti chì ricevini u publicu à rializà l'accunciamenti pà l'accessibilità à i parsoni chì soffrini di handicap. L'Associu di i Paralizati di Francia lampa oghji una chjama à tutti i diputati par ch'elli ùn ratifichessini micca ss'urdinanza. In Aiacciu, una dilegazioni di l'APF hè stata ricivuta da u direttori di cabinetu di u prifettu di Corsica, spirendu di veda mova i cosi à u nivellu di u Statu.
Steti à senta à Marie Leonis, dilegata di l'Associu di i Paralizati di Francia in Corsica Suttana.
Sur le même sujet
