Accident de la route en Haute-Corse
(A redazzioni d'Alta Frequenza) - C'hè statu un accidenti ssu marcuri appena nanzi à 3 ori in Vignale, annant'à a strada naziunali 193, vicinu à u ghjiratoghju di Casamozza (Corsica Suprana). Par raghjoni chì ùn sò micca cunnisciuti par avà, una vittura è un camiò si sò inticciati. U cunduttori di a vittura, un omu di 54 anni, hè statu feritu gravi. Micca cuscenti quand'elli sò ghjunti i succorsi, a vittima hè stata purtata dopu à l'uspidali di Bastia.
