Accident de parapente en Haute-Corse
(A redazzioni d'Alta Frequenza) - Un omu chì facia u parapenta hè statu feritu gravi ssu ghjovi in San Fiurenzu. Hè cascatu mentri ch’ellu bulava vicinu à a piaghja di a Roya, u so parapenta cumpiendu a so corsa versu a muntagna in un settori d’accessu difficiuli. Feritu à u spinu è à i membri infiriori, l’omu hè statu presu in carica in furia da i servizii di succorsi in muntagna, prima d’essa purtatu cù l’elicotteru Dragon 2B di a securità civili à l’uspidali di Bastia Falcunaghja. À u cuntrariu di l'infurmazioni diffusata prima, ùn era micca un munitori di parapenta, ma un particulari
Sur le même sujet
