Accord trouvé entre les gouvernements français et italien pour la protection du Canal de Corse
(A redazzioni d'Alta Frequenza) - In un cumunicatu, a ministra di l'Eculugia, di u Sviluppu durevuli è di l'Energia, Ségolène Royal, annunzia chì un accordu hè statu trovu cù u guvernu talianu pà pruteghja u Canali di Corsica. "I neguziazioni rializati cù u guvernu talianu sò sbuccati cù l'aduzzioni di un schema di rigulamentazioni di u trafficu marittimu internaziunali in u Canali di Corsica cù : l'alluntanamentu di u trafficu di i battelli cù passaghjeri pà Bastia à 3,5 milli nautichi di a costa di Capicorsu è di l'altri battelli di cummerciu à 5 milli nautichi di a costa eppo a criazioni di un ragliu di 8 milli nautichi di longu cù spiccanza di i flussi di battelli di cummerciu cullendu è falendu è dui zoni di prudenza à u nordu è à u meziornu di u dispusitivu". Ssa pruposta francesi è taliana sarà trasmissa à l'Urganisazioni Marittima Internaziunali dopu à l'infurmazioni di a Cumissioni aurupea è di i Stati membri. Da un'antra banda, "i travaghji di criazioni di u parcu naturali marinu di Capicorsu avanzani, in leia cù u calendariu vulsutu da a ministra, l'eletti è l'attori cuncirnati, pà una criazioni di u parcu da quì à l'istati di u 2016", aghjusta Ségolène Royal.
Sur le même sujet
