Activités périscolaires à Ajaccio : l'APC interpelle Laurent Marcangeli
(A redazzioni d'Alta Frequenza) - I ritimi sculari! Hè statu dunqua u sughjettu maiò di pulemica di ssa riintrata 2014. Postu chì a legi s'imponi à tutti, i cumuni, chì aviani vulsutu risista un certu tempu, sò intruti infini, cù prammatisimu, ind'a norma nova. In Corsica, fora di trè cumuni chì fermani veramenti da cantu, ani dicisu tutti di raghjunghja u dispusitivu ancu s'è da u puntu di vista di l'urganisazioni sputica di quissu quì, parechji cosi ùn sò ancu fatti. Hè u casu in Aiacciu induva a quistioni di l'attività perisculari devi essa pricisata. Hè in tutti i casi u parè di l'APC chì, in una lettara mandata à Laurent Marcangeli, poni dumandi assai pricisi pà ciò chì tocca l'urganisazioni di ss'attività è a so gratuità. L'Associu di i Parenti Corsi chjama ghjustu appuntu i parenti à mubilizassi ssu marcuri à partasi di 9 ori davanti a merria d'Aiacciu.
Steti à senta à Denis Luciani, pà l'Associu di i Parenti Corsi.
Sur le même sujet
