Adoption du PADDUC à l'Assemblée de Corse : grande satisfaction pour Corsica Libera
(A redazzioni d'Alta Frequenza) - Quattru ori menu dodeci di mani pà ssu ghjorni di i Santi di u 2014 inde l'emiciculu di l'Assemblea di Corsica, Dominique Bucchini annunzia u risultatu di u votu: à prò 38, contru 1, assenti 12. Habemus Padduc! A parolla hè stata prununziata da un cunsighjeru tarrituriali di prima trinca; a Corsica t'hà oramai un Padduc, un pianu d'accunciamentu è di sviluppu durevuli chì hè dunqua a seguita di u schema di sviluppu di a Corsica elaburatu da u Statu in u......................1992! 22 anni dunqua par chì a raprisintazioni pulitica di l'isula pudissi riescia à metta in ballu un ducumentu di sviluppu è d'accunciamentu chì metti in anda pà daveru un prughjettu spaziali righjunali veru. Senza entra ind'a tennicità di un cartulari chì dumandaria ori è ori di spiegazioni è pà ssu ghjornu impurtanti inde l'almanaccu pà a Corsica, ci cuntitaremi stamani di prisintavvi a suddisfazioni di tutti quilli chì ani cuntribuitu à fà di ssi dui ghjorni di dibattiti assai difficiuli un veru successu. I gruppi naziunalisti, chì ani vulsutu ramintà a so pusizioni vera d'uppunenti, ani animatu ssu dibattitu da u principiu è ùn ani micca sceltu l'uzzioni dicisa da a diritta, quilla d'andassini. Josepha Giacometta hè stata assai attenti duranti i scambii longhi di ssi dui ghjorni... è di ssi dui nuttati; hè una suddisfazioni maiò par ella dinò.
Steti à senta a cunsighjera di Corsica Libera.
Sur le même sujet
