Adoption du Padduc : un bébé mort-né pour la droite
(A redazzioni d'Alta Frequenza) - U Padduc, u Pianu d’Accunciamentu è di Sviluppu Durevuli di a Corsica, hè dunqua statu aduttatu vennari scorsu cù una maghjurità larga. In fatti, 36 voti sò andati à prò di u ducumentu, 12 contru è 3 cunsighjeri erani assenti. À mezu à i 12 voci di l’uppunenti, ci voli à rimarcà quilla di Paulu Filici Benedetti, u solu naziunalistu chì ùn hà micca validatu ssu Padduc. Fora di trè assenti, a diritta hè stata unita par upponasi à ciò chì hè divintatu oramai u Pianu di Sviluppu di a Corsica. Stéphanie Grimaldi, chì avia appruntatu u Padduc di a mandatura scorsa, hè stata assai critica annant’à ssu cartulari. Un ducumentu di prugrammazioni chì pruteghji troppu, d’appressu à ella, è sottumessu soprattuttu à fatti ghjuridichi chì ani da renda u ducumentu senza effettu. Da u zitellu chì si porta bè, chì Maria Giudicelli teni caru, à u zitellu mortu natu annunziatu da Stéphanie Grimaldi, ci hè un mondu chì quissa quì hà vulsutu spiegà.
Steti à senta à Stéphanie Grimaldi.
Sur le même sujet
