Aéroport d'Ajaccio : un outil majeur pour les soldats du feu
(A redazzioni d'Alta Frequenza) - 1 500 000 passaghjeri ricivuti inde l'aeruportu d'Aiacciu Nabuliò Bonaparte dipoi u principiu di l'annu ! Un sciffru storicu chì hè statu arrighjistratu ssu vennari da mani. Un aeruportu cù una crescita annuali di più di 10% di pettu à l'annata 2016, chì avia accoltu à a listessa epica 1 356 777 passaghjeri. Pà l'uccasioni, c'hè stata una scelta à l'imbusca pà ricumpensà unu di i passaghjeri di u bulu ghjunghjendu da Marseghja. Ed hè u direttori di u SDIS di Corsica Suttana, u culunellu Bruno Maestracci, chì t'avia u numaru 18A, ci vulia à falla quantunqua pà un spinghjifocu, chì hà ricivutu dui ricumpensi di prima trinca : un annu di parking gratisi à l'aeruportu Nabuliò Bonaparte è un viaghju pà dui in Londra. Aldilà di ssa cuntintezza, u capimachja di i suldati di u focu in u dipartimentu incalca nant'à u rollu maiò di ss'aeruportu, in particulari in tarmini d'accolta di i mezi aerei di lotta contr'à i fochi.
Steti à senta à Bruno Maestracci.
Sur le même sujet
