Affaire d'Aitone : Une lettre ouverte aux élus de la part du Collectif
(A ridazzioni d'Alta Frequenza) - Dopu à a scalata di viulenza in i pressioni patuti da Jean-Jacques Ceccaldi è sopratuttu nantu à a so intrapresa "Aitone Travaux Publics", le COllectif d'Aitone adirizza issu Vennari una lettara aparta à l'eletti di l'Esecuttivu è di l'Assemblea di Corsica. L'avucata Marie-Josée Bellagamba, l'insignanti Dominique Bianconi ò ancu u cumpositori Jean-Claude Acquaviva, tutti membri di u Cullettivu, s'indegnani di pettu à i parechji atti di vandalisimu è incendii criminali chì colpini à jean-Jacques Ceccaldi dipò u 2011. "Minacci di morti, prova d'arrubecciu di fondi, attentati : Sinu à induva adarani ?" si sclama u Cullettivu. Ultima distruzzioni in tempu, quidda d'un bachile di snevimenti, ritruvatu incendiatu u 20 di Sittembri scorsu, chì era stata impristata à l'impresariu da una mani caritosa. A lettara dinunzieghja un attentisimu da a parti di l'autorità è parla d'un affari "sintumatica d'una Corsica chì si ne morri, d'una Corsica chì sparisci, quidda di i valori pusitivi di u travaddu, di u curagiu è di a sulidarità".
