Affaire des gîtes ruraux : le CD 2B prendra en charge les frais d'avocat de Paul Giacobbi
(A redazzioni d'Alta Frequenza) - C'era ssu marti una sissioni nova di u Cunsighju Dipartimintali di Corsica Suprana. Una sissioni cù un cartulari chì hà fattu nascia calchì dibattitu, quillu di a presa in carica da u Cunsighju Dipartimintali di i spesi d'avucatu di Paul Giacobbi inde l'affari dittu di i gîtes ruraux, pà quali hè statu missu in asamini duranti l'istati. U presidenti attuali di l'Esecutivu di Corsica, par via di u so statutu di presidenti di u Cunsighju Generali à l'epica di i fatti, vedi a legi autorizà a presa in carica di i so spesi di difesa da ss'entità. Malgradu tuttu, ssa misura hè stata validata di manera ufficiali ssu marti, senza i voti di u gruppu Inseme, chì ùn hà micca participatu à u votu. U presidenti di u Cunsighju Dipartimintali, François Orlandi, volta annant'à ssa misura è, d'appressu à ellu, annant'à u sprupositu di a so mediatisazioni.
U stemi à senta.
