Affaire dite du petit Kenzo : le tribunal rejette la demande de renvoi formulée par la défense
Ghjovi, u tribunali currizziunali d’Aiacciu hà righjittatu a dumanda lla difesa, in l’affari dittu di « Kenzo ».
L’avucati di i trè omini aviani dumandatu ch’iddu sichi attimpatu u prucessu, ùn avendu pussutu veda tutti l’imagini lla videosurviglianza.
Di fatti, una parti sola n’era stata scelta da a inchiesta, par essa aghjunta à u cartulari.
A difesa vurria ancu una cunfruntazioni trà Kenzo, a so famidda, è i parsoni missi in causa, à nomu di u drittu cuntradittoriu, ma supr’à tuttu parchì a parolla di a famidda hè cambiata, masimu via i media.
U tribunali ùn l’hà ritinuti, l’argumenti, è a difesa hà fattu appellu d’issa dicisioni.
Ma u prucessu si duvaria fà oghji, quantunca. Duvaria ripiddà in primu dopu meziornu.
I trè parsoni missi in causa ani nigatu sempri a viulenza chì l’hè rimpruvarata.
