Affaire Reims - Bastia : jugement mis en délibéré au 13 mai
(A redazzioni d'Alta Frequenza) - Ssu marti, duranti parechji ori, setti sustenidori di u SC Bastia sò passati davanti u Tribunali di Grandi Istanza di Reims pà « ribellioni è offesa contr’à una parsona dipusitaria di l’autorità publica in riunioni », di pettu à l’evenimenti accaduti dopu a partita trà Reims è Bastia u 13 di farraghju scorsu, mentri chì un antru sustenidori bastiacciu hà persu a vista d’un ochju. Un’audienza assai longa, induva i dipusizioni di i sustenidori è di i pulizzeri prisenti quilla sera sò stati scurticati, com’è i fiuri di videò survighjenza di ss’azzuffi quì. U prucuratori di a Republica di Reims, Fabrice Belargent, hà dumandatu cundanni trà unu è cinqui mesi di prighjoni attimpati, è interdizzioni di stadiu trà unu è dui anni. A dicisioni sarà cunnisciuta u 13 di maghju, mentri chì l’avucati di a difesa, dopu una lagnanza pà falsu è usu di falsu contr’à pulizzeri di a BAC di Reims, sperani chì ssu tempu parmittarà à a ghjustizia di pighjà bè in contu tutti l’elementi di l’affari, i maghjini diffusati duranti l’audienza mustrendu bè chì sustenidori sò stati minati da pulizzeri quilla sera, sicondu a difesa. Aspittendu què, u cuntrollu ghjudiziariu di i setti sustenidori hè statu cacciatu, è ss’ultimi poni vultà par asempiu in un stadiu di ballò.
Sur le même sujet
