Agression d'une enseignante au collège Fesch : la réaction du recteur d’académie !
(A redazzioni d'Alta Frequenza) - Dopu à l'agressioni di un'insignanti d'inglesi in u culleghju Fesch d'Aiacciu, i cosi sò appena di più pricisi. U zitellu di 13 anni, chì avia minacciata a prufissori cù una cultella hè statu ritrovu da a pulizza. Hè oramai intesu. I fatti sò accaduti dopu à i corsi; dopu avè minacciatu a prufissori, l'adulescenti avaria dittu ch'ellu si trattava di una scumessa, ma l'affari devi essa cunfirmatu. U zitellu avaria filmatu dinò i fatti cù u so telefuninu. L'insignanti assai cummossa hè stata purtata à l'uspidali, è hà vistu i medichi dalli 11 ghjorni di riposu. L'insignanti di a cità sculari Fesch si sò mubilizati subbitu. U rettori d'accademia è u prucuratori di a Republica sò andati in furia sopralocu. Ani scuntratu i squadri educativi è a direzzioni di u stabilimentu.
Steti à senta à Michel Barat, u rettori d'accademia.
Sur le même sujet
