Agression pompiers et dégradation lieu de culte musulman: réaction de Jean-Guy Talamoni
(A redazzioni d'Alta Frequenza) - Dopu à l'agressioni contr'à dui spinghjifochi è un pulizzeru in u quartieru di i Jardins de l'Empereur a notti di Natali è i disguasti custatati annant'à una sala di prighera musulmana di a cità d'Aiacciu, Ghjuvan Guidu Talamoni hà vulsutu cundannà di una manera sivera i sfarenti atti. Pà u presidenti di l'Assemblea di Corsica, "a nostra isula ùn devi micca divintà una banlieue francesi, ma ùn hè mancu appena malgradu tuttu u centru di un'ideulugia impurtata". "Ùn c'hè nisun piazza dunqua in Corsica pà picculi gruppi razzisti", dici ss'ultimu. Pà Ghjuvan Guidu Talamoni, a Corsica hè un mudellu d'integrazioni interculturali è duvarà firmà cusì ; par quissa, l'Assemblea di Corsica è l'eletti di l'isula duvarani fà opara di pedagugia.
Eccu l'intervista di u presidenti di l'Assemblea di Corsica.
Sur le même sujet
