Agression pompiers et dégradation lieu de culte musulman: réaction et analyse de Gilles Simeoni
(A redazzioni d'Alta Frequenza) - Dopu à l'agressioni contr'à dui spinghjifochi è un pulizzeru in u quartieru di i Jardins de l'Empereur a notti di Natali è i disguasti custatati annant'à una sala di prighera musulmana di a cità d'Aiacciu, u presidenti di u Cunsighju Esecutivu di Corsica, Gilles Simeoni, hà vulsutu cundannà senza riserva tutti ssi fatti. Una cundanna ma dinò un'analisi subbitu è à longu andà pà sorta da a logica di ghettuisazioni. A cultura corsa hè un cimentu di l'integrazioni è a devi firmà, hà dittu Gilles Simeoni chì conta pighjà pà daveru tutta a so parti ind'a risuluzioni futura di ssu prublema induva, d'appressu à ellu, u Statu hà fiascatu. U presidenti di u Cunsighju Esecutivu stima dinò ch'ellu ci voli à luttà contr'à l'infurmazioni falsa contr'à a Corsica è i Corsi, fendu opara ghjustu appuntu di pedagugia.
Steti à senta à Gilles Simeoni.
Sur le même sujet
