Agriculteurs corses à Paris : le fossé se creuse un peu plus
(A redazzioni d'Alta Frequenza) - Ùn hè più u mari, hè l'Atlanticu ! Eccu u parè di a dilegazioni d'agricultori corsi chì hè andata oghji (marcuri) in u ministeru di l'Agricultura in Parighji, è chì ùn pudia cà custatà u fossu di più in più maiò cù u Statu. In fatti, ùn c'hè stata nisun avanzata cuncreta annant'à i sfarenti rivindicazioni difesi da u mondu agriculu isulanu, chì era falatu luni in carrughju pà fà sapè a so scuntintezza. À mezu à i punti fundali, ci n'era unu in particulari, quillu annant'à a parità trà a Corsica è u cuntinenti pà ciò chì tocca i famosi DPU, i Diritti à Pagamentu Unicu. Ramintemi chì quandu un agricultori cuntinintali tocca 220 auri d'aiutu à l'ettari, quillu chì travaghja in Corsica ni tuccarà solu 170 in u 2015, mentri chì ss'aiutu era annu torna più bassu, postu ch'ella era di 98 auri in u 2014. Parechji altri punti sò stati trattati dinò, ma pochi ani fattu nascia una certa suddisfazioni à a dilegazioni corsa. Un scontru pà nulla, a risposta hè chjara è ci hè data da u presidenti di a Camara regiunali d'Agricultura.
Steti à senta à Ghjaseppu Colombani.
