Agriculture : la Corse manque d'une véritable protection sanitaire
(A redazzioni d'Alta Frequenza) - A sapeti, misuri naziunali sò stati presi in fin di sittimana scorsa da u ministru di l'Agricultura, Stéphane Le Foll, contr'à a minaccia di u batteriu Xylella Fastidiosa, scritti in un arrestu. Ssu marti, una riunioni hè statu urganizata in prifittura di Corsica trà i servizi di u Statu, l'urganisimi cumpetenti è raprisintanti di u mondu agriculu. Nulla hè statu dicisu par avà cuncirnendu una misura in più pà a Corsica, più sivera di pettu à l'arrestu ministiriali, chì s'arrimbaria à l'interdizzioni di l'impurtazioni di tutti i vegetali ghjunghjendu d'Italia. Aldilà di ssu puntu pricisu di a Xylella Fastidiosa, hè tuttu u prublema di a prutezzioni sanitaria di a Corsica chì devi essa mediatizatu cù a listessa impurtanza sicondu u presidenti di a Camara regiunali d'Agricultura. Com'è una disgrazia ùn accadi mai sola, altri malatii ghjunghjini in Corsica o sò dighjà prisenti, tucchendu l'animali è u vegetali, è ùn sò micca presi abbastanza à u so ghjustu nivellu, com'è altri danni di u gennaru di u riscaldamentu climaticu, chì devi fà nascia una riflessioni torna più forti à u pianu isulanu d'appressu à Ghjaseppu Colombani, cù una missa in ballu di sfarenti mezi di lotta.
Steti à senta à Ghjaseppu Colombani.
Sur le même sujet
