Aiacciu Cità Corsa veut redonner vie au centre-ville de la cité impériale
(A redazzioni d'Alta Frequenza) - Fà rinascia u cori di a cità d'Aiacciu ! Eccu ciò ch'ellu voli cù forza Aiacciu Cità Corsa, purtata da u so leader Paul Leonetti. Una brama chì hè stata cumunicata duranti una cunfarenza di stampa in fin di sittimana scorsa pà u simbulu annant'à u situ di u square Campinchi, induv'ellu ùn si passa più nulla dipoi chì i travaghji di u famosu parking sò stati piantati annant'à a piazza di u marcatu. A lista indipendentista à i municipali di u 25 di ghjinnaghju, chì dinunzia una "lotta vana" trà a famighja Marcangeli è Renucci chì s'upponini pà ss'alizzioni, dumanda a ripresa di i travaghji u più prestu pussibuli. Aldilà di ssu cartulari specificu, Aiacciu Cità Corsica si voli impatruniscia di quillu più difficiuli di a gistioni di u centru di a cità di manera più generali, è pruponi à mezu andà a so pietunisazioni pà pudè rinviviscialu torna.
I spiecazioni di Paul Leonetti.
Sur le même sujet
