Aide à l'hectare pour les agriculteurs corses: la mise au point de Joseph Colombani
(A redazzioni d'Alta Frequenza) - Effetti d'annunziu è solu effetti d'annunziu ! Eccu ciò ch'ellu dici oghji (ghjovi) cun insistenza u presidenti di a Camara righjunali d'Agricultura, Ghjaseppu Colombani. In fatti, s'hè dittu, dopu à a riunioni di u gruppu di l'eletti di muntagna arimani in Parighji, chì u ministru di l'Agricultura Stéphane Le Foll pinsaria, ind'u quadru di a nova neguziazioni di a Pulitica Agricula Cumuna, di fà crescia l'aiutu à l'ettari, parchì micca à 30%. Un tema chì era statu trattatu vennari scorsu à l'uccasioni di un scontru trà Stéphane Le Foll è una dilegazioni impurtanti di raprisintanti di u mondu agriculu corsu, pà discorra ghjustu appuntu nant'à ssu tema di a cunvergenza di l'aiuti aurupei, distribuiti dopu da u Statu, chì poni particularmenti un prublema in Corsica. U presidenti di a Camara righjunali d'Agricultura a dici forti è cù forza, i neguziazioni sò sempri bè in corsu postu chì ùn ci hè nulla di dicisu.
Steti à senta à Ghjaseppu Colombani.
