Aides agricoles : le démenti de la préfecture de Haute-Corse
(A redazzioni d'Alta Frequenza) - In un cumunicatu, a prifittura di Corsica Suprana hà smentitu l'infurmazioni cumunicati da a stampa naziunali amintendu aiuti aurupei agriculu chì ùn duviani micca essa stati tocchi da l'agricultori corsi ind'u quadru di a PAC trà u 2008 è u 2012. "Dipoi stamani [marti] c'hè un'infurmazioni falsa chì faci sapè chì u dipartimentu di Corsica Suprana saria à l'urighjini di 70% di un milliardu d'auri dumandatu da a Cumissioni aurupea à a Francia pà soldi chì ùn duviani micca essa virsati ind'u quadru di a pulitica agricula cumuna", dici a prifittura di Corsica Suprana. "In più di què, ss'infurmazioni laca pinsà à un arrubecciu maiò inde i dichjarazioni di l'agricultori in ssu dipartimentu", prima d'aghjustà chì "ssi dui infurmazioni sò propiu falsi". "I 700 millioni d'auri amintati currispundariani in fatti à u virsamentu d'aiuti à i spazii agriculi di u 1a rigistru di a PAC in Corsica Suprana duranti guasgi UN seculu. In fatti, u pesu di l'aiuti di spazii di a Corsica Suprana ind'i soldi chì ùn duviani micca essa stati virsati hè sottu à 5% di u tutali dumandatu à a Francia. In più di què, l'anumalii ritinuti pà a Corsica Suprana, com'è pà tuttu u restu di u paesu, sò cunfumità micca rigulamentarii. U difettu di cuntrollu s'arremba à nisun arrubecciu custatatu", compii a prifittura di Corsica Suprana.
Sur le même sujet
