Aides au football : coup de sifflet, mais pas penalty !
(A redazzioni d'Alta Frequenza) - Tuttu u mondu t'hà calcosa à dì, ma tuttu u mondu vota ! Eccu ciò ch'ellu hà dittu u gruppu Communistes et Front de Gauche di l'Assemblea di Corsica dopu à l'aduzzioni a sittimana scorsa di dui raporti annant'à a finali di a cuppa di a Liga. Ramintemi chì l'Assemblea di Corsica hà vutatu dui raporti, u prima annant'à u finanziamentu eccezziunali di un ghjocu cuncorsu pà u SC Bastia, è un antru annant'à u spiazzamentu di 1 500 sustenidori duranti a finali di a cuppa di a Liga di l'11 d'aprili. Ramintemi dinò chì pà u primu raportu, a Cullittività di Corsica hà dicisu di cunsacracci 60 000 auri, pà un costu tutali di 150 000 auri, è pà u sicondu raportu a CTC hà ingaghjatu 225 000 auri. Dui raporti chì ani fattu nascia dunqua dibattiti inghjiru à l'uppurtunità d'accurdà aiuti simuli chì ùn sò micca priuritarii pà una manifistazioni spurtiva chì esci appena da u quadru nurmali di l'attribuzioni di a Cullittività, soprattuttu chì ss'affari intarveni duranti tempi appena di miseria cù riduzzioni forti di l'aiuti pà u mezu assuciativu è culturali. Ognugnu hà fattu dunqua a so critica, è t'avia a so parolla à dì, ma tutti i gruppi di l'Assemblea di Corsica ani vutatu, fora di u gruppu Communistes et Front de Gauche, pà i raghjoni ch'ellu ci spiega u so presidenti, Etienne Bastelica.
Steti à senta à Etienne Bastelica.
Sur le même sujet
