Aides au transport : la bonne distribution ?
(A redazzioni d'Alta Frequenza) - In u quadru di a Sittimana di l'Industria in Corsica, urganizata sta sittimana è annant'à chì vultaremi, u MEDEF di Corsica faci sapè a so scuntintezza. L'urganisazioni di i patroni criticheghja, micca l'aiuti attribuiti in materia di trasportu à u ballò, à u sport automobili o ancu à a bissicletta, ma bè a sparizioni di ssi listessi aiuti à u settori industriali. Pà Serge Santunione, à chì ghjova di prumova una certa industrialisazioni di a Corsica s'è i sucità impignati in ssu settori ecunomicu vedini l'aiuti à u trasportu, indispinsevuli pà a so cumpetitività, quì o in altrò, ùn piatani micca di calà.
Steti à senta à Serge Santunione, u presidenti di u MEDEF di Corsica.
