Aides européennes : la colère des pruniculteurs
(A redazzioni d'Alta Frequenza) - Si parla torna di a pulemica inghjiru à l'aiuti aurupei di a prugnicultura in Corsica. Ramintemi chì i prugnicultori, dopu una riunioni in camara d'agricultura, sò stati ricivuti da a DDTM in Bastia pà pudè parlà di a riduzzioni di più di 90% di l'aiuti aurupei pà a Corsica di a Pulitica Agricula Cumuna ver di a so filiera à partasi di quist'annu. Un muvimentu chì à u nivellu naziunali hè statu dinò iniziatu, ma in prupurzioni trè volti menu impurtanti quist'annu, tuttu simpliciamenti pà ghjunghja da quì à cinqui anni à un cambiamentu à u nivellu di l'aiuti aurupei trà cultivatori è allivadori, postu chì i sfarenzi chì asistini sò assai impurtanti. Troppu impurtanti sicondu a Camara d'Agricultura di Corsica chì hà vulsutu, à partasi di quist'annu, rializà a parti a più impurtanti di a strada, postu chì par asempiu, induva certi allivadori toccani solu trenta centimi d'auri par un ettari, i prugnicultori tuccavani fin'è tandu 2 000 auri par ettari. Un sciffru chì cascarà à 171 auri, calcosa d'intularabili pà parechji prufiziunali di u settori chì t'ani l'impressioni chì a so branca, dighjà in situazioni pessima, hè sacrificata.
Steti à senta à Chantal Ambrosi, raprisintanti di i prugnicultori.
Sur le même sujet
