Aiutu Paisanu et Rinnovu demandent la libération de deux prisonniers politiques
(A redazzioni d'Alta Frequenza) - U Rinnovu Naziunali è Aiutu Paisanu ani cumunicatu pocu fà insemi pà pudè fà cunnoscia a sorti pessima di dui prighjuneri pulitichi, Eric Marras è Félix Benedetti, ch'elli cunsidareghjani com'è imprighjunati di manera abusiva in ssu mumentu. U primu hè incarciaratu dipoi più di quattru anni ind'u quadru di una struzzioni pà attentati, compia novi mesi fà. Aspittendu u so prucessu di marzu di u 2015, i dui urganisazioni dumandani a so liberazioni cundiziunali o à u minimu u so avvicinamentu in Corsica mentri ch'ellu hè imprighjunatu par avà in Fleury Mérogis senza dirittu di visita o di telefunu. Cuncirnendu Félix Benedetti, in prighjoni dipoi vinti mesi in Fresnes ind'u quadru di un affari di l'antitarrurisimu sempri in struzzioni, Aiutu Paisanu è u Rinnovu dicini chì ssa ditenzioni rileva oramai piuttostu da u delitu d'upinioni cà di un bisognu veru di tena à Félix Benedetti in prighjoni, ss'ultimu avendu fattu sapè i so "rimprovari" contr'à a "ghjustizia d'eccezzioni" francesi. Pà u Rinnovu, ssi dui prighjuneri pagani a so vicinanza cù u muvimentu è i so upinioni pulitichi.
Steti à senta à Gérard Dykstra pà u Rinnovu.
Sur le même sujet
