Ajaccio : action des lycéens de la Ghjuventù Indipendentista en soutien à Paul-André Contadini
(A redazzioni d'Alta Frequenza) - Parechji centunai di ghjovani liceani di a Ghjuventù Indipendentista di i sfarenti stabilimenti d'Aiacciu si sò aduniti ssu marcuri da mani davanti u liceu Fesch. Dumandani l'avvicinamentu di Paul Andria Contadini, in greva di a fami dipoi 9 ghjorni è imprighjunatu in Fresnes, ver di a prighjoni di Borgu. Di manera più generali, volini l'annistia di i prighjuneri è i di ricircati pulitichi corsi. Una dilegazioni hè stata ricivuta in prifittura in fin di matinata, ma in vanu. Pà ssi ghjovani, hè impurtanti chì tutti i Corsi, qualsiasi i generazioni, si mubilizessini. Da un'antra banda, l'Associu Sulidarità chjama à una manifistazioni maiò sabbatu à 5 ori davanti i prifitturi d'Aiacciu è di Bastia.
Steti à senta à Paulu Antonu, liceanu chì faci parti di a GI.
Sur le même sujet
