Ajaccio : dernier conseil municipal sous tension pour Laurent Marcangeli
(A redazzioni d'Alta Frequenza) - Laurent Marcangeli hà purtatu arisera l’ultimu cunsighju municipali di a so corta mandatura è, ùn hè micca una surpresa, in un ambienti pisivu è disturbatu. Ss’ultimu cunsighju municipali duvia asaminà un ordini di u ghjornu carcu parchì cartulari impurtanti, com’è quillu di u bughjettu supplementariu 2014 o ancu quillu di l’aiutu à i cumircianti di u Square Campinchi, erani scritti cù un ordini di priurità assuluta. Un dibattitu chì hè statu caldu subbitu postu chì u merri d’Aiacciu, fin’è arisera in tutti i casi, ind’u so discorsu d’introitu hà fattu falà i cutrati contr’à quilli chì, d’appressu à ellu, sò rispunsevuli di ssa situazioni. Davanti una mansa di sustenidori di u merri in postu, Paul Antoine Luciani hà straziatu par andà fin’è a fini di u so sviluppu. A parolla data, eppo cacciata à l’uppusizioni hà inghjinnatu a partenza di quissa quì cù i mughji d’ustilità di u publicu, ciò chì hà fattu riagiscia Paul Antoine Luciani d’una manera calma ma ditarminata.
Steti à senta à Paul Antoine Luciani.
Sur le même sujet
