Ajaccio : fuite sur le réseau d'eau potable avenue Noël Franchini
(A redazzioni d'Alta Frequenza) - A CAPA, a Cità d'Aiacciu è Kyrnolia facini sapè à a pupulazioni chì c'hè stata una perdita d'acqua annant'à a reta cumunali à mezu à strada, viali Noël Franchini, inghjinnendu un'interruzzioni d'acqua pussibuli. A riparazioni di u cunduttu hè principiata à 11 ori. Duvaria durà à u minimu fin'è u principiu di u dopu meziornu. A circulazioni sarà dunqua taghjata da u ghjiratoghju di Corse Echappement fin'è quillu di u carrughju Borgomano (Madonuccia). Duranti a durata di i travaghji, a circulazioni s'hà da urganizà cusì. Ghjiratoghju di Corse Echappement : interdizzioni d'accessu versu Noël Franchini - fora di l'abitanti ; ghjiratoghju di u Pacha : interdizzioni d'accessu versu Noël Franchini, urientazioni ver di Maréchal Juin - fora di l'abitanti è Scola Mont Thabor : urientazioni ver di u bor di mari.
Sur le même sujet
