"Ajaccio, l'avenir en chantier", témoignages de Paul-Antoine Luciani
(A redazzioni d'Alta Frequenza) - Semi numarosi ad arricurdà ci di ssu slogan di campagna prisidinziali famosu di u seculu scorsu: "Dicu ciò ch'e faraghju, faraghju ciò ch'e dicu". Hè ciò chì si pudaria dì di u libru chì Paul Antoine Luciani hà publicatu nant'à più di vinti anni d'ingaghjamentu puliticu. "Ajaccio, l'avenir en chantier", ssu libru, cù un prifaziu di Jacques Renucci è traduttu in corsu da Ghjuvan Maria Arrighi, voli essa a testimunianza di un'azzioni pulitica nant'à un andà assai longu, cù nentru dui mandaturi com'è 1a aghjuntu di u merri d'Aiacciu. I parolli si ni vani, soprattuttu in pulitica, ma fermani i scritti; eccu a missa in parallelu di ciò chì hè statu dittu è ciò chì hè statu fattu ch'ellu hà vulsutu rializà Paul Antoine Luciani.
Steti à senta à Paul Antoine Luciani, prisintava u so libru vennari à sera à la Marge.
Sur le même sujet
