Ajaccio: la vérité sur l'avenue du Mont-Thabor!
(A redazzioni d'Alta Frequenza) - A verità nant’à u viali Mont Thabor ! Pà ssi tempi duva l’infurmazioni ùn viaghja micca sempri cù una veracità bè cuntrullata, a municipalità d’Aiacciu hà vulsutu rimetta certi affari in ordini. L’abitanti di u quartieru di Petralba è certi associ ùn avariani micca i boni infurmazioni pà ghjudicà ssu cartulari. Ùn si devi micca fà a cunfusioni trà a nova penetranti d’Aiacciu, a nova strada di derivazioni, è a via di leia trà quartieri pinsata tempi fà in Petralba. A prima sarà una vera strada di derivazioni à quattru vii chì liarà Caldaniccia à Budiccioni passendu pà a Cunfina è u novu uspidali ; hè un prughjettu purtatu da a CTC ed hè statu prisintatu calchì ghjornu fà da Paul Giacobbi. U prughjettu chì inchieta l’abitanti hè un antru affari : si tratta di quillu di prulungà u viali di u Mont Thabor, pà apra u tarritoriu di Petralba da l’altu. Cusì, l’abitanti ùn avariani più bisognu di rifalà à u bor di mari pà sorta da a cità o andà à l’uspidali par asempiu. In tutti i casi u prughjettu hè statu ritiratu è l’abitanti di Petralba dicidarani da par elli.
Steti à senta à Paul Antoine Luciani, primu aghjuntu di u merri d’Aiacciu.
Sur le même sujet
