Ajaccio : le square Campinchi va retrouver un souffle nouveau
(A redazzioni d'Alta Frequenza) - Dipoi ghjovi, i palancati di u square Campinchi sò stati cacciati, quilli chì erani dipoi un annu è mezu inghjiru à l'anziana piazza di u marcatu, induva l'arnesi di cantieru s'erani stallati di sittembri di u 2013 pà a rialisazioni di ciò chì si chjama oramai l'anzianu parking sottu tarra. S'è u prughjettu scorsu, purtatu da l'anziana municipalità d'Aiacciu, ùn hè più d'attualità, a nova maghjurità hà vulsutu fà ripighjà fiatu quantunqua à ssu spaziu, grazia à parechji accunciamenti. À partasi di a mità di u mesi di maghju, più di 200 piazzi di staziunamentu à pagà sarani uparaziunali pà l'aiaccini pà ssi lochi pà pudè risponda par asempiu à i bisogni di i cumircianti di u settori, assai tocchi cù una calata di a so attività, ma dinò à quilli di a staghjoni turistica chì s'avvicina. L'affari movini dunqua annant'à ssu square Campinchi, chì l'abitanti di a Cità imperiali si pudarani riimpatruniscia à mezu andà cù una piazza urbana maiò di stili mediterraneu.
I spiecazioni di u diputatu è merri d'Aiacciu, Laurent Marcangeli.
Sur le même sujet
