Ajaccio : les motards manifestent leur colère devant la préfecture de Corse
(A redazzioni d'Alta Frequenza) - A Fédération Française des Motards en Colère urganizava ssu sabbatu una mubilisazioni in parechji cità di Francia. In Aiacciu, a FFMC di Corsica s'hè adunita in mità di matinata davanti a prifittura di Corsica, spirendu di scuntrà u rispunsevuli u più altu di u Statu inde l'isula. Ssi cunduttori di motò vuliani fà cunnoscia a so scuntintezza è u so ricusu di pruposti "contr'à i motò" presi pocu fà da u Cumitatu Interministiriali di a Securità Stradali. In particulari, sò contr'à a missa in ballu di un cuntrollu tennicu à a rivendita di una motò di più di dui anni o ancu contr'à l'ubligazioni di purtà guanti umulugati. Misuri chì sò piuttostu pà fà entra soldi ind'i casci di u Statu cà pà a securità stradali d'appressu u presidenti di a FFMC di Corsica.
Steti à senta à Patrick Garcia.
Sur le même sujet
