Ajaccio : les socioprofessionnels corses en colère occupent les locaux de la Dirrecte
(A redazzioni d'Alta Frequenza) - U cullittivu di i socioprufiziunali corsi occupa dipoi ssu ghjovi da mani, è di una manera illimitata, i casali di a Direccte, a direzzioni di u travaghju è di l'impiegu in Aiacciu. Artisgiani, pruprietarii d'hôtels o ancu traspurtadori ani dicisu d'agiscia pà dinunzià "l'incapacità di u Statu à prupona una dimarchja metudulogica efficaci pà luttà contr'à a situazioni di l'intrapresi i più chjuchi di Corsica". Di pettu à prublemi di cunghjuntura, a situazioni ecunomica lucali, naziunali è internaziunali pessima, ma dinò strutturali, cù in prima ligna u prublema difficiuli di i travaghjadori stragneri di più in più putenti, i socioprufiziunali dumandani à u Statu "d'ùn più sarrà l'ochji". Bramani di veda missu in ballu un Pianu Marshall par aiutà i picculi intrapresi in difficultà, prima di pinsà à a difinizioni di un veru statutu ecunomicu specificu pà a Corsica.
Steti à senta à François Gabrielli, u presidenti di a Camara di i Mistieri è di l'Artisgianatu di Corsica Suttana.
Sur le même sujet
