Ajaccio : Mission Locale et Espace Santé jeunes s'engagent pour l'insertion sociale et la santé
(A redazzioni d'Alta Frequenza) - Rinfurzà l'inserzioni suciali è a saluta di i ghjovani ! Eccu u scopu di a Missioni Lucali d'Aiacciu è di u Spaziu Saluta ghjovani di a Cità imperiali. In fatti, dipoi ssu luni è fin'è u vennari u 20 di marzu, deci ghjovani suvitati da a prima struttura citata ani da integrà u parcorsu parsunalizatu di u Spaziu Saluta ghjovani d'Aiacciu. Sfarenti attelli sarani pruposti pà purtà ssi ghjovani suventi smutivati è scuraghjiti di manera prugressiva versu l'impiegu è a vita in sucità. Da u coaching in cumpagnia di una socioestetista, fin'è l'appruntera à l'intratteni d'impiegu par asempiu, grazia à prucedimenti ludichi è nuvatori. Ghjovani chì, dopu à ssa sissioni di dui sittimani, sarani torna suvitati da a Missioni Lucali d'Aiacciu par ch'elli truvessini a so strada.
Steti à senta à Angélique Benvenuti, incaricata di prughjetti di a Missioni Lucali d'Aiacciu.
Sur le même sujet
