Ajaccio/Poste : la direction communique
(A redazzioni d'Alta Frequenza) - A direzzioni è i sindicati grevisti di u centru di distribuzioni d'Aiacciu Vittulu ani trovu stanotti (marcuri à ghjovi) un accordu pà a ripresa di u travaghju stamani. In un cumunicatu, a direzzioni faci sapè in fatti chì "i mudalità di basa di l'urganisazioni pà a distribuzioni vali à dì a missa in ballu di squadri di fattori cù turnati à sparta sò stati accittati da i grevisti" pricisendu chì "di pettu à a calata di a quantità di lettari è pacchetti, era impussibuli di mantena u mudellu attuali trapassatu oramai è chì ùn parmittia più un funziunamentu raghjunevuli". A direzzioni dici dinò ch'ellu sarà missu in opara à partasi d'oghji "un dispusitivu eccezziunali chì hà da parmetta di distribuiscia in calchì ghjornu i lettari è i pacchetti chì aspettani".
Sur le même sujet
