Ajaccio : premier coup de pioche pour les travaux du parking Campinchi
(A redazzioni d'Alta Frequenza) - Hè issu luni chì ani principiatu i travaghji pà a rialisazioni di u parking Campinchi, nant'à a piazza di u marcatu in Aiacciu. Un prughjettu chì t'hà pà filusufia di cunquistà u centru cità eppo di rituccà a cità Imperiali, nanzi di metta in ballu da quì à pocu una nova pulitica di spiazzamentu. Travaghji d'appruntera ani cuminciatu par avà, frà altru quilli pà a criazioni di un sistesma pà racoglia l'acquati, da pudè risponda à i bisogni di u quartieru. S'è a circulazioni hè mantinuta nant'à u viali Roi Jérôme, u staziunamentu ellu hè statu pruibitu, fora di quillu nant'à a piazza di u marcatu sempri autorizatu. L'arburi impiantati nant'à u Square Campinchi, frà altru i palmi, sarani spiazzati da quì à u mesi di marzu. Un futuru parking mischjendu tradizioni è mudernità, sicondu u merri d'Aiacciu, Simon Renucci, cù 18 000 m2 di superficia nant'à trè nivelli, è 678 piazzi di guadanti, pà una fini di i travaghji privista pà u 2015.
Écoutez Simon Renucci.
