Ajaccio : présentation du projet de bassin de rétention paysager aux Padule
(A redazzioni d'Alta Frequenza) - U prughjettu di zona di racolta di l’acqua à i Paduli hè statu prisintatu a settimana scorsa da a municipalità d’Aiacciu. Ci voli à rammintà à l’accorta chì tutta issa parti di a cità d’Aiacciu hè stata custruita micca nant’à u mari ma nant’à paduli è salini. L’acqua, ch’ella sia di u mari o altra, hè dunqua bè prisenti è ci voli à dì chì i dicennii passendu, pocu affari serii sò stati rializati da fà chì l’omu truvessi quì a so piazza. Ci voli à rammintà chì in u 2008, a catastrofa hè stata schisata di pocu pà issi lochi cù gravi inundazioni chì ani annigatu una parti maiò di u quartieru di i Canni. A Cità hà dicisu di metta i mezi maiò cù u lanciamentu di un prughjettu assai ambiziosu com’è a ci dici Paul Antoine Luciani, primu aghjuntu à u merri d’Aiacciu è incaricatu di issu cartulari.
Ecoutez-le.
Sur le même sujet
