Alain Orsoni répond à Manuel Valls
(A redazzioni d'Alta Frequenza) - Dopu à l'assassiniu di Jacques Nacer, è mentri chì i ministri Valls è Taubira erani in visita in Corsica arimani (ghjovi), u nomi d'Alanu Orsoni hè statu citatu parechji volti ind'i media naziunali, frà altru. Iss'ultimi prisintendu u presidenti di l'AC Aiacciu com'è vicinu à numarosi vittimi d'assassinii : u presidenti di a CCI di u Pumonti, Antoine Sollacaro o Antoine Nivaggioni frà altru. U ministru di l'Internu hà lampatu stamani, ind'è RTL, un chjama à Alanu Orsoni, dumandendu li di dì ciò ch'ellu sapia di a situazioni, è prupunendu li una prutezzioni pulizzera. Una situazioni chì Alanu Orsoni dici ch'ellu ùn pò più tularà. U presidenti di l'ACA stima chì u so nomi hè citatu di issa manera pessima è chì omu ni faci dunqua una sibula pussibuli, ind'un ambienti dighjà assai difficiuli. L'anzianu leader di u MPA hà vulsutu risponda dinò à Manuel Valls.
On l’écoute.
