Alata : des progrès importants dans l'assainissement
(A redazzioni d'Alta Frequenza) - A CAPA hà prisintatu arimani (marti) travaghji impurtanti chì sò rializati in ssu mumentu annant'à a strada d'Alata è chì t'ani com'è scopu di lià una parti impurtanti di a cumuna di u listessu nomu à a reta di cundutti di a cità d'Aiacciu. Cù a missa in serviziu di a nova stazioni d'epurazioni di Campu di l'Oru è u rinnovu di quilla di i Sanguinari, a cità d'Aiacciu t'hà i capacità oghji di racoglia tuttu ciò chì ghjunghji da i paesi à l'intornu. Ci voli à sapè chì fin'è oghji, u paesi d'Alata, cù i so 3 000 ettari è 3 000 abitanti, ùn avia micca sistema d'assanimentu publicu. Asisti di sicuru una reta di racolta publica ma chì compii a so corsa in u mezu naturali, senza trattamentu. Hè dunqua un prugressu assai assai impurtanti ch'ella rializeghja a CAPA nant'à ssa cumuna.
Steti à senta à Jean Jacques Ferrara, u presidenti di a Cumunità d'Agglumerazioni di u Paesi Aiaccinu.
Sur le même sujet
