Alerte concernant le risque de noyade et vent fort prévu en Corse-du-Sud
(A redazzioni d'Alta Frequenza) - In un cumunicatu, a prifittura di Corsica Suttana lampa una chjama à a prudenza cuncirnendu l'attività à u mari. In fatti, parechji parsoni vani sempri à bagnassi ind'è noi ancu s'è i piaghji ùn sò più survigliati. Da un'antra banda, un episodiu di ventu assai forti aspittatu marti è marcuri, cù vitezzi mezani trà 40 è 50 chilometri par ora, è buffulati pudendu andà fin'è 80 chilometri par ora u dopu meziornu di marti, è 100 o ancu 120 chilometri par ora ind'a nuttata, s'accumpagnarà marcuri da marosuli assai forti, fin'è 5 metri d'altezza. A vigilenza a più maiò hè dunqua racumandata pà a pratica di tutti l'attività di natura, è l'attività à u mari dinò.
