Alors que le club du Havre dépose un recours pour faire rejouer le match la Ligue communique
(A ridazzioni d'Alta Frequenza) - A prisidenti lla Liga Prufiziunali di ghjocu à ballò, Nathalie Boy de la Tour, s’hè fatta senta luni, dopu à i pulemichi di a duminicata, nati cù u scontru di ballò ACA- U Havre. À senta à « l’Equipe », dici a prisidenti ch’iddu ci voli à spiccà dui affari : da una mani, l’affari di u carru, vennari, chì hè di a rispunsabilità di u statu è micca di a squadra, postu ch’idd’hè successu for’di u stadiu. Da quidd’altra, l’evenimenti llu macciu, issa duminica. Par idda, issi fatti di ghjocu, i devi trattà a cumissioni di disciplina, issu ghjovi. Dici chì issu cartulari sarà missu à a struzzioni. Spieca dinò ch’idd’hà dittu à u prisidenti llu Havre, chì si hè lagnatu d’essa statu minatu in i tribuni, di piddà parolla cù u prucuratori lla ripublica da pona lagnanza. Saria presa in contu, issa lagnanza, da a cumissioni di disciplina. In stu mentri, ci hè statu una dumanda di a squadra nurmanda, da fà si dà partita vinta pà duminica. Una dumanda ch’ùn duvaria sbuccà, ùn sichi chè parchì u scontru si devi ghjucà issu marcuri, in Aiacciu.
Sur le même sujet
