Amendements sur les successions adoptés par l'Assemblée nationale: la réaction de Paul Giacobbi
(A redazzioni d'Alta Frequenza) - I trè amendamenti posti da i diputati corsi rilativi à a legislazioni di i successioni, ind'u quadru di u prughjettu di legi di finanzi 2014, sò stati aduttati à l'unanimità vennari à l'Assemblea naziunali. Trè mumenti di transizioni sò stati dicisi, nanzi à un ritornu à u dirittu cumunu nant'à i successioni in Corsica: 85% d'esunerazioni trà u 2013 è u 2016, 70% trà u 2017 è u 2019, è 50% trà u 2020 è u 2022, prima d'integrà di modu pienu è sanu u dirittu cumunu in u 2023. U Palazzu Bourbon hè statu piuttostu riservatu inveci nant'à a parti dunazioni, i diputati corsi dumandendu una fiscalità nant'à i dunazioni cù esunerazioni, pà incuragiscia i parsoni cuncirnati à urganizà i so successioni micca arrigulati. Una dumanda chì duvaria essa trattata dopu à l'asamini di u prughjettu di legi di finanzi, cù trè altri amendamenti posti da i parlementarii isulani. Suddisfazioni micca sana ma suddisfazioni quantunqua pà unu di ssi diputati corsi, Paul Giacobbi.
Stemu lu à senta.
Sur le même sujet
