AMG 800 : la réponse de Paul-Marie Bartoli à Antoine Orsini
(A redazzioni d'Alta Frequenza) - A prublematica di i treni hè stata trattata torna arimani (ghjovi) à l'Assemblea di Corsica. Antoine Orsini, à nomi di u gruppu Corse Social Démocrate hà intarrugatu in fatti u presidenti di l'Uffiziu di i Trasporti nant'à a dispunibilità di i famosi AMG 800, di pettu à i difficultà numarosi chì sò scuntrati. Nant'à l'11 treni livrati, 10 sò ufficialmenti in serviziu cumirciali, ma in realtà, ùn ci hè cà a mità chì saria utilizata, l'altri ghjuvendu à dà pezzi spiccati o essendu à l'arrestu par via di prublemi tennichi numarosi. Una dispunibilità ridutta chì, d'appresu à Antoine Orsini, tocca di modu forti a capacità d'accolta di i passaghjeri, cù suppressioni di treni è rimpiazzamenti da treni Soule. Una situazioni chì tocca u cunstruttori chì penalizeghja l'attività di i CFC, inde l'incapacità d'assicurà di modu pienu è sanu i so ubligazioni di serviziu publicu, è chì impatta dinò a CTC. Antoine Orsini hà dunqua dumandatu à Paul Marie Bartoli un statu pricisu di u matiriali è di l'avanzata di i dimarchji tennichi è ghjuridichi nant'à issu cartulari. Una dumanda à a quali Paul Marie Bartoli hà rispostu senza svianzi, assicurendu chì u nicissariu saria fattu in tempu è ora.
Écoutez Paul-Marie Bartoli.
Sur le même sujet
