Amnistie et rapprochement des prisonniers politiques corses : le blocage perdure
(A redazzioni d'Alta Frequenza) - L'Associu Sulidarità è Corsica Libera si sò aduniti ssu marti dopu meziornu davanti u Palazzu di Ghjustizia d'Aiacciu pà dinunzià a situazioni di blucchimi sempri putenti in u cartulari di i prighjuneri pulitichi corsi. Dopu un scontru trà eletti di a Corsica, membri di l'Associu Sulidarità è Aiutu Paisanu, ma dinò di a Liga di i Diritti di l'Omi cù a ministra di a Ghjustizia u 20 di maghju scorsu in Parighji, i cosi ùn ani cambiatu mancu appena. Di fattu, u prublema di l'annistia pà i prighjuneri è i ricircati pulitichi ferma senza risposta, com'è a dumanda di l'avvicinamentu di parechji prighjuneri. Pà l'Associu, à u cuntrariu di u dirittu, sedeci di quissi quì fermani incarcerati in cuntinenti, mentri chì i so casi rispittivi parmettini oghji u so trasferimentu ver di prighjoni corsi. Dopu avè occupatu di manera pacifica duranti calchì minuta u Palazzu di Ghjustizia d'Aiacciu, i militanti di l'Associu Sulidarità ani dicisu di lancià una campagna d'iniziativi rivindicatrici, fin ch'elli ritruvessini i so diritti i prighjuneri, i ricircati corsi è i so famighji. Pà Josepha Giacometti, si tratta pà daveru di negazioni di a demucrazia è di a ghjustizia.
Steti à senta à Josepha Giacometti, cunsighjera tarrituriali Corsica Libera.
Sur le même sujet
